పాకిస్థాన్కు చెందిన ఓ మహిళ భారత్లో గ్రామ పంచాయతీ తాత్కాలిక అధ్యక్షురాలిగా బాధ్యతలు నిర్వర్తించారు. మూడు దశాబ్దాలుగా ఇక్కడే నివసిస్తున్న బానో బేగం(65).. భారత పౌరసత్వం లేకపోయినప్పటికీ ఓ గ్రామ పంచాయతీకి ఎన్నికవ్వడం పలు సందేహాలను రేకెత్తిస్తోంది.
బానో బేగంకు చెందిన దీర్ఘకాలిక వీసా చెల్లుబాటులో ఉన్నప్పట్టికీ.. తప్పుడు సమాచారం ఆధారంగా చట్టవిరుద్ధంగా రేషన్, ఆధార్ గుర్తింపు కార్డులను పొందినట్టు తెలుస్తోంది. యూపీలోని జలేసర్కు చెందిన గుడావ్ అనే గ్రామ పంచాయతీ అధ్యక్షులు షహనాజ్ బేగం ఇటీవలే మృతిచెందగా.. ఆమె స్థానంలో బానో ఎంపికయ్యారు. 2015లోనే పంచాయతీ సభ్యురాలిగా ఆమె ఎన్నికయ్యారు.
ఈ విషయమై స్థానిక వ్యక్తి ఒకరు ఫిర్యాదు చేయగా.. దర్యాప్తు చేపట్టారు పోలీసులు. ఈ నేపథ్యంలో గత డిసెంబర్లోనే తన పదవికి రాజీనామా చేశారు బేగం. 35 ఏళ్ల క్రితమే అష్రత్ అలీతో ఆమెకు వివాహమైనా.. ఇప్పటివరకు ఆమె దేశ పౌరసత్వం పొందలేదని స్థానిక పోలీసులు తెలిపారు.
ఈ పూర్తి వ్యవహారంపై కేసు నమోదు చేసుకున్న పోలీసులు.. ఆమెకు రేషన్ కార్డు, ఎన్నికల గుర్తింపు కార్డు ఎలా వచ్చాయనే కోణంలో దర్యాప్తు చేపట్టారు.
ఇదీ చదవండి: 'తొలిసారి అహంకార ప్రభుత్వం రాజ్యమేలుతోంది'
